البسمة الحزينة

    شاطر
    avatar
    Amr VeGus
    مجموعة الإدارة | Adimans
    مجموعة الإدارة | Adimans

    المشاركات : 6682
    العمر : 25
    نقاط : 11925
    معانا من : 07/06/2008
    تقييم المنتدى : 3
    الجنس : ذكر

    موضوع عادى البسمة الحزينة

    مُساهمة من طرف Amr VeGus في الإثنين يوليو 26, 2010 1:43 pm


    البسمه الحزينة
    الى (أمال،رشيد...)
    فوتني هـــم المحاين في الغربـــــال وذراني في اهواه ،، كيما يهـوالو
    سهرني في امحـــاينو والليل اطوال واحكم حكم الجور واشكون ايسالو
    بايت ننسج في اخـــيوط م المحـــال ندي وانجيب في الهموم اللي صالو
    شفت الدنـــــيا امدلله واحد اتــــدلال واحــــــد زادتلو ادلال لتدلالــــــــو
    واحــــــد شقـــاتو امعاها في لطلال يبكي وايقول في المراسم مـــــزالو
    وانا كنت انســــالها ولات اتســـــال بعد ان كنـــــت احبيبها رانـــي والو
    كنت ايذا غنيت في قلبـــــــــي موال يصبح كل اعشيق هادس في بــــالو
    نكتب شطر اعلى الهوى يغدى مثال يتردد مــــا بين عشـــاق اجــــــيالو
    كلمة منـــــــــي كانت اتدغدغ لجبال لحن اهوايا اهوى الشوامخ توطـالو
    لحن هوايا ادوى ايداوي كل اهبـــال وايهبل من كان هانــــي في حــــالو
    واسوالف لبنـــــــات عني كل اتسال واخدود الورد دون شعري يذبــــالو
    انا شعري في الهوى للعـــــاشق فال قبل ايزور الحبيب لازم يشقـــــــالو
    يدي لوكان غير كلمة باه اينــــــــال ويتحنن خـــــــاطر الحبيبة ترضالو
    ترضالو واغرامهم عمرو يطــــوال وايقــــــول لها كلام واحد ما قـــالو
    ضروك غرستني الدنيا في لوحـــال عشــــاقي اللي اقبيل ماهمش ايسالو
    راني بين اقصايدي عايش جـــــوال والشعــــر ارموشو اعليَ يحتــــالو
    واجودي لجمو الهم وسرجو مـــــال والنهمة ماهيش ضروك تحـــــلالو
    راني هذا العام ما انسواش اريـــــال هم الدنـــــيا حط عندي ب اثقالـــــو
    سلت المرايا يا ادرى واشتى ذا الحال لياه حالي اليوم كــــي هاك اصرالو
    شاب الراس آمرايتي والوجه اكحال واغصان اشبوبي ابلا وقت اذبالــو
    حـــــسراه اعلى ازمان كنت انا بدال واش اجرحت اعيون يبكو وايسالو
    فـــــــي كل امدينة عزفتلهم مـــــوال والزين ايجينــــي اهنا ما نغدالــــو
    من عرفوني اسقيتهم كيسان اهبــــال كانــــو اشعاري ف الخاطر ينشالو
    ابكـــــــــــي يا امرايتي وليت اخيال مكاش اللي انجي بهمـــــي في بالو
    رانـــي امكتف بالخلاف بغير احبال انساعف في همــــــي وليام اطوالو
    يا لوكان اتعــــاود امعايا لحـــــــوال وينصفني ذا الدهر وانشد احبالــــو
    انسرج كــــي اقبيل عودي للترحال وانكســـــــر افـــوام من فيا قالــــو
    ونمرمد في احوافر اجوادي لـــرذال واللــــــي قالـــــو الشح فيا يذلالـــو
    نحييهـــــا من اجديد واتولول لطلال يشطح لي ورد المحبة ب اطــلالـو


    التوقيع




    انا وسراج

      الوقت/التاريخ الآن هو الأربعاء ديسمبر 19, 2018 2:47 pm